Studiuesit spanjollë kanë arritur një përparim të rëndësishëm në luftën kundër kancerit të pankreasit. Një kombinim i tre barnave ka shkaktuar regresion të plotë të adenokarcinomës duktale të pankreasit – forma më e zakonshme dhe më vdekjeprurëse e këtij tumori – te minjtë për rreth 200 ditë, pa efekte anësore të rënda.

Hulumtimi, i publikuar në revistën prestigjioze PNAS, udhëhiqet nga profesori Mariano Barbacid, drejtues i ekipit të Onkologjisë Eksperimentale në Qendrën Kombëtare Spanjolle për Kërkime mbi Kancerin (CNIO). Ai thekson se kjo është hera e parë që arrihet një përgjigje e plotë dhe e qëndrueshme kundër këtij kanceri në modele eksperimentale.

Megjithatë, studiuesit paralajmërojnë se rezultatet janë ende paraklinike dhe se nevojiten studime të mëtejshme para se terapia të testohen tek pacientët njerëzorë. Rezultati ofron shpresë, duke treguar se strategjitë e terapisë së kombinuar mund të ndryshojnë rrjedhën e këtij tumori në të ardhmen.