Sipas revistë së njohur “The Economist”, Shqipëria është përmirësuar për të dytin vit radhazi në Indeksin e Demokracisë.

Sipas raportit Shqipëria është renditur në vendin e 68, nga ai i 71 që ishte vitin e mëparshëm.

Indeksi i Demokracisë bazohet në pesë kategori: procesi zgjedhor dhe pluralizmi, funksionimi i qeverisë, pjesëmarrja politike, kultura politike dhe liritë civile.

Bazuar në rezultatet e tij në një gamë të indikatorëve brenda këtyre kategorive, secili vend më pas klasifikohet si një nga katër llojet e regjimit: “demokraci e plotë”, “demokraci me probleme”, “regjim hibrid” ose “regjim autoritar”.

Shqipëria renditet më mirë se Maqedonia e Veriut (73), Mali i Zi (74), Bosnjë Hercegovina (95), ndërsa më mirë në rajon është Serbia, në vendin e 63.

Në 2021, vendi ynë hyri për herë të parë në grupin e dytë.

Më herët, Shqipëria renditej në grupin e tretë të vendeve me demokraci hibride Grupi i parë është ai i demokracisë së plotë dhe i katërti i ai autoritar.

Shqipëria në renditjen e këtij viti kishte 6.11 pikë, me një përmirësim nga viti i mëparshëm, kur treguesi ishte 6.08 pikë ( nga 10 pikë të mundshme, sa më pak pikë, aq më e përkeqësuar është renditja).

Ky është rezultati më i lartë që ka marrë Shqipëria, që nga viti 2006, kur publikohet ky indeks.