Tiranë — Shqipëria ka arritur një përmirësim të ndjeshëm dhe historik në testin ndërkombëtar PISA 2025, duke shënuar rritje të fuqishme në të tre fushat kryesore të vlerësimit në krahasim me testimin e mëparshëm të vitit 2022.
Sipas të dhënave zyrtare, nxënësit 15-vjeçarë shqiptarë kanë marrë 65 pikë më shumë në matematikë, 59 pikë më shumë në shkencë dhe 50 pikë më shumë në lexim.
Ky rezultat e ngjit Shqipërinë në vendet e para të rajonit: në shkencë vendi renditet në krye të Ballkanit Perëndimor, ndërsa në matematikë ndan nivelin më të lartë rajon me Malin e Zi.
Rama: Sukses i reformave në arsim; OECD vëren ende sfidat
Kryeministri Edi Rama ka reaguar menjëherë përmes një postimi në rrjetin social Facebook, ku e cilësoi këtë arritje si provë të renditjes së Shqipërisë në krye të rajonit për arsimin parauniversitar. Rama ua atribuoi rezultatet reformave të thella në sistem:
> “Ndryshimet në infrastrukturën shkollore, trajnimi i vazhdueshëm i mësuesve dhe puna e Shkollës së Drejtorëve dhanë këtë rezultat,” u shpreh kryeministri, duke uruar publikisht nxënësit, mësuesit, prindërit dhe Ministrinë e Arsimit.
>
Testi ndërkombëtar PISA mat aftësinë praktike të 15-vjeçarëve për të zbatuar njohuritë e tyre në jetën reale, përtej të mësuarit teorik.
Megjithëse rritja është mjaft e lartë krahasuar me vitin 2022, raporti i OECD-së nëllimojn se Shqipëria vijon të mbetet ende nën mesataren e përgjithshme të vendeve të OECD-së në të treja fushat, çka tregon se sistemi arsimor ka ende problematika për të adresuar në të ardhmen.