Forcat e posaçme “Shqiponja” kanë arrestuar një 41-vjeçar në Tiranë, i cili qarkullonte me armë zjarri në automjet.

Gjatë një kontrolli të ushtruar në rrugën “Selitë e Vogël”, efektivët e policisë zbuluan një pistoletë me krehër dhe fishekë, të fshehur në një hapësirë të improvizuar pranë dorezës së derës së makinës.

I arrestuari është identifikuar si L. Sh., 41 vjeç, banues në Tiranë. Pas ndërhyrjes së policisë, arma e zjarrit u sekuestrua në cilësinë e provës materiale.

Materialet procedurale i janë referuar Prokurorisë së Tiranës, e cila do të vijojë me veprimet e mëtejshme ligjore për këtë rast.