Los Angeles – Shtëpia e aktorit të njohur amerikan Brad Pitt në lagjen Los Feliz të Los Angeles është bastisur gjatë natës së së mërkurës, njoftoi Departamenti i Policisë së Los Angeles (LAPD).

Tre persona të dyshuar u infiltruan rreth orës 22:30 përmes një dritareje në pjesën e përparme të rezidencës, duke marrë me vete sende të paidentifikuara nga prona. Ndërsa policia nuk ka konfirmuar zyrtarisht se banesa i përket yllit të Hollivudit, adresa korrespondon me atë të shtëpisë që Brad Pitt bleu gjatë vitit 2023.

Aktori nuk ndodhej në shtëpi në momentin e grabitjes, pasi ishte në Londër për premierën e filmit të tij të ri me tematikë Formula 1.

Shtëpia, e pozicionuar pranë Griffith Park dhe afër Shenjës ikonë të Hollywood-it, përbëhet nga tre dhoma gjumi dhe është e rrethuar nga një gardh i lartë dhe bimësi e dendur, që garanton privatësi maksimale për banorët.

Policia vijon hetimet për identifikimin dhe kapjen e autorëve të grabitjes.