Shtetasi Visar Avdyli, i kërkuar për një vrasje të ndodhur në Oslo në vitin 2021, u arrestua këtë të mërkurë në Ferizaj nga policia e Kosovës.

Avdyli, së bashku me të vëllanë e tij, akuzohen për vrasjen e Hamse Hashi Adan, 20 vjeç, në Mortensrud, një lagje në Oslo të Norvegjisë.

Ngjarja e rëndë ndodhi më datë 07.10.2021.

Dy vëllezërit e dyshuar për vrasjen rezultojnë të arrestuar më parë për terrorizëm. Policia vijon punën për lokalizimin dhe arrestimin e vëllait tjetër në kërkim.

“Personi i arrestuar përveç shtetësisë kosovare posedon edhe shtetësi norvegjeze, ndërsa në momentin e arrestimit i është gjetur një armë zjarri, si dhe disa pasaporta të shteteve të tjera, të cilat me gjasë janë të falsifikuara”, thuhet në komunikatën për media të policisë.