Shtyhet sërish seanca gjyqësore për ish-Kryeprokurorin e Përgjithshëm, Adriatik Lallën. Seanca gjyqësore është shtyrë për në datën 29 korrik.

Ish-prokurori i Përgjithshëm Adriatik Llalla ka mbërritur në Gjykatën e Posaçme të Apelit ku pritej të niste sot gjyqi ndaj tij, por mungonte avokati, i cili u gjobit me 20 mijë lekë.

Llalla kërkoi të ishte i pranishëm dhe mbrojtësi i tij me qëllim vijimin e gjykimit.

Aktualisht ish-kryeprokurori ka ankimuar vendimin e shkallës së parë të Gjykatës kundër Korrupsionit dhe Krimit të Organizuar për dënimin e tij me 2 vite burg për fshehje të pasurisë. Ai është dënuar gjithashtu me 5 vite përjashtim ndaj çdo funksioni publik.

Vendimi u dha më 20 maj. Ai u gjet fajtor, sipas Gjykatës, për “Fshehje dhe mosdeklarim të pasurisë”.

Paralelisht, Gjykata vendosi dhe sekuestrimin e disa pronave të zotit Llalla që deri më tani ishin nën sekuestro.