24.5 C
Tiranë
Friday, August 8, 2025
spot_img

Sistemi shëndetësor po kalon në kolaps, spitali i Sanatoriumit në kapacitete maksimal

Megjithëse maskat u bënë të detyrueshme, vend e pa vend, ritmet e të infektuarve me Covid-19 nuk raportojnë asnjë ulje. Përkundrazi, sipas të dhënave zyrtare, raportohen mbi 40 urgjenca çdo ditë dhe autoambulancat i drejtohen spitaleve me pacientë të infektuar të cilët kanë nevojë për trajtim mjekësor të specializuar. Kundrejt këtyre ritmeve alarmante të shtimit të të infektuarve, sytë e kujdo drejtohen të spitalet, streha e fundit  përballë virusit vdekjeprurës.

Pas ezaurimit të kapaciteteve mjekësore në spitalin Infektiv në Qendrën Universitare Nënë Tereza, situata ka arritur pikën e vlimit edhe në spitalin e dytë Covid “Shefqet Ndroqi”, i njohur si Sanatoriumi. Janë vetëm 200 shtretër në dispozicion të të prekurve me Covid-19 në këtë spital dhe veç 24 prej tyre janë të lirë për pacientë ndërkohë që në këtë spital janë duke u trajtuar rastet më të rënda.

Në total në Sanatorium janë 85 pacientë me tamponë pozitiv për Covid-19, dhe 91 me tampon negativ  megjithatë gjendja mund të shkojë shpejt drejt një kolapsimi pasi një pacienti mund t’i duhen 2-3 burime oksigjeni per tu trajtuar.

Prej kohësh, mjekët e këtij spitali kanë ngritur alarmin për pamundësinë e shtrimeve të mëtejshme në këtë spital. Problem mbetet dhe mungesa e stafit të kualifikuar. Deri më tani si staf rezervë janë menduar që të përdoren 30 vullnetarët që u kthyen nga Italia, të cilët kanë edhe një eksperiencë minimale në përballimin e rasteve Covid.

Duke përjashtuar vendimin për mbajtjen e maskave në ambiente të hapura, ndonëse 7 mijë studime për koronavirusin dalin në përfundimin e njëjtë që rreziku i infektimit është i lartë kryesisht në mjedise të  mbyllura, si dhe ndalimin e muzikës asnjë nismë tjetër inteligjente për frenimin e përhapjes së virusit nuk është marrë. Me ritmin e personave të prekur, dhe atë atyre që janë duke kërkuar ndihmë spitalore nuk duket e largët dita kur të shohim pacientë që qendrojnë korridoreve të spitalit, njësoj si në vendet ku nuk është marrë as masa minimale për përballimin e pandemisë.

Artikuj të Tjera

Komento

Ju lutemi shkruani komentin tuaj!
Ju lutem shkruani emrin tuaj këtu

POSTIMET E FUNDIT

Studimi zbulon: ChatGPT ofron “udhëzime të personalizuara” mbi tema të rrezikshme për fëmijët

0
Një studim i fundit i kryer nga Qendra për Luftimin e Urrejtjes Dixhitale (CCDH) ka hedhur dritë mbi mënyrën se si chatbot-i i inteligjencës...

Vlora, destinacioni i preferuar i elitës globale – Miliarderi francez Bernard Arnault pushon në...

0
Vlora është kthyer në qendër të vëmendjes së elitës ndërkombëtare këtë verë. Miliarderi francez Bernard Arnault, një nga biznesmenët më të fuqishëm në botë...

Zhduket në mënyrë misterioze biznesmeni turk Halit Yukay, jahti i tij gjendet i dëmtuar...

0
Kërkimet për biznesmenin 43-vjeçar turk, Halit Yukay, vazhdojnë intensivisht. Ai rezulton i zhdukur që nga nata e së shtunës, kur u nis me jahtin...

Ish-agjenti i SHISH i dënuar në Kili – përfshihet në hetimet ndërkombëtare për trafik...

0
Një rrëfim që ngjan me një skenar filmi ka marrë vëmendjen e medias ndërkombëtare, pasi një gazetë spanjolle publikoi detaje mbi rastin e Viktor...

Horoskopi ditor, e Premte, 8 Gusht 2025

0
Dashi Energjia ju mbështet drejt veprimit me elegancë dhe efektivitet. Në punë dhe marrëdhënie, përdorni diplomacinë për të lënë gjurmë të forta. Demi Koha është e mirë...