Reperi i njohur Mozzik është përfshirë sërish në qendër të polemikës, pasi ora luksoze që ai shfaqi si origjinale, një Richard Mille RM 56-01, është konfirmuar si kopje.

Dogana e Kosovës njoftoi se ora e prezantuar nga reperi është e falsifikuar, ndërsa faqja Replica Watch Busters zbardhi detajet që e bëjnë situatën edhe më të nxehtë: modeli i shfaqur nga Mozzik ekziston vetëm në 10 kopje në botë, me vlerë rreth 2 milionë euro, dhe nuk mund të blihet rastësisht.

Në një incizim të shpërndarë në rrjet, përfaqësues të dyqanit zyrtar në Gjenevë mohojnë çdo lidhje me blerjen e orës nga reperi. Videoja e postuar shkaktoi reagime të shumta, ndërsa ndjekësit janë ndarë mes kritikëve dhe mbështetësve të Mozzik.

Ndërkohë, reperi ende nuk ka dhënë asnjë reagim zyrtar, ndërsa ora, e cila ka bërë xhiron e rrjeteve sociale, mbetet temë debati.