Një incident i rëndë ndodhi në Fakultetin Ekonomik ku pedagogu Mirdaim Axhami u arrestua pas një sherri me kolegen e tij, Liljana Billa. Sipas informacioneve të para, Billa akuzon Axhamin se e ka goditur në fytyrë. Dyshohet se shkak për përplasjen janë bërë tezat e provimit, me akuzat që ndërruan apo shitën ato.

Konflikti mes pedagogëve ka nisur disa muaj më parë dhe zanafilla e përplasjes ka qenë gara për kreun e departamentit të fakultetit, e cila u fitua nga Axhami. Gazetari raporton se Billa ka denoncuar disa herë Axhamin për përndjekje.

“Konfliktet kanë nisur prej disa muajsh mes pedagogëve për shkak të zgjedhjeve dhe votimit për kreun e departamentit të Fakultetit Ekonomik. Gara është fituar nga Axhami dhe këtu duket se kanë nisur përplasjet e hershme mes tyre. Më pas, Billa ka kallëzuar disa herë kolegun e saj në polici për përndjekje. Por ky i fundit ka deklaruar se ajo ka probleme,” raportoi gazetari.