Në zgjedhjet parlamentare të mbajtura të dielën në Rumani, socialdemokratët pro-evropianë (PSD) arritën të sigurojnë 22.4% të votave, duke dalë si partia kryesore dhe duke mundur grupet e tjera politike. PSD, e cila ka qeverisur deri tani me liberalët, është përpjekur të ruajë pozitat e saj, por krahas kësaj, rritja e forcave të ekstremit të djathtë ka krijuar një pasiguri të re për vendin, që është anëtar i Bashkimit Evropian dhe NATO-s, por kufizohet me Ukrainën.

Forcat e ekstremit të djathtë, të bashkuara rreth mbrojtjes së “vlerave të krishtera” dhe që kërkojnë ndërprerjen e ndihmës për Kievin në emër të “paqes”, shënuan një rritje të konsiderueshme me mbi 31% të votave, duke trefishuar rezultatet e vitit 2020. Ky rezultat i ngre shqetësimet në Perëndim lidhur me pozicionimin strategjik të Rumanisë, veçanërisht pas fitores befasuese të Calin Georgescu, kandidatit të pavarur të ekstremit të djathtë, në raundin e parë të zgjedhjeve presidenciale.

Partia AUR, e drejtuar nga George Simion, fitoi 17.8% të votave dhe shpalli me krenari rezultatet. Simion theksoi se ky ishte një moment historik për rumunët, duke shpallur fillimin e një epoke të re ku populli do të ketë më shumë mundësi të vendosë për fatin e tij. Ai gjithashtu theksoi pjesëmarrjen rekord prej 52%, që është më e larta në dy dekadat e fundit.

Sot populli rumun votoi për sovranitetin”, tha presidenti i Unionit për Bashkimin e Rumanisë (AUR), Gerorge Simion . Partia e tij fitoi 17.8 për qind të votave.
“Ky është fillimi i një epoke të re në të cilën rumunët rifitojnë të drejtën e tyre për të vendosur vetë fatin e tyre”, tha Simion, duke theksuar se pjesëmarrja në këto zgjedhje ishte 52 për qind, më e larta në dy dekadat e fundit.

Ky zhvillim pason një periudhë të vështirë për Rumaninë, që përballet me probleme ekonomike dhe pasojat e luftës në Ukrainë, duke shkaktuar një rritje të zemërimit mes një pjese të madhe të popullsisë prej 19 milionë banorësh.