Ndërsa ish-presidenti amerikan, Donald Trump do të përballet me drejtësinë, tensioni në vend mbetet shumë i lartë. Kjo pasi pati paralajmërime të forta nga mbështetës të tij për organizim të revoltave dhe protestave masive.
Nga ana tij kryetari i bashkisë së New York, Eric Adams ka siguruar qytetarët se nuk ka pasur kërcënime specifike për qytetin.
“Të gjithë njujorkezët duhet të vazhdojnë rregullisht aktivitetet e tyre,. Mesazhi ynë është i qartë, thjesht jini të qetë. NYC është shtëpia jonë, jo një shesh lojërash të tilla.
Ndër të tjera kryebashkiaku vuri në dukje gjithashtu se New York nuk do të lejojë “dhunën apo vandalizëm të çfarëdo lloji” dhe ata që do të përfshihen në situata të tilla do të vendosen përballë përgjegjësisë.
