SPAK nuk ka marrë ende një vendimarrje nëse do i bëjë apo jo rekurs vendimit të Saimir Tahirit, i dënuar me 3 vite e 4 muaj burg nga Gjykata e Apelit të Posaçëm.

Burime nga struktura antikorrupsion bënë me dije se pritet zbardhja e vendimit, e pasi gjykata ta nxjerrë atë të arsyetuar dy prokurorët e çështjes Vladimir Mara dhe Dritan Prenci do të vendosin nëse do bëjnë apo jo rekurs.

Edhe pse gjykata rrëzoi SPAK për akuzat e trafikut të drogës dhe grupit kriminal të ngritura ndaj Tahirit nga Spak duke e dënuar për shpërdorim detyre, Prokuroria e Posaçme nuk e ka marrë ende një vendim pa lexuar arsyetimin e treshes se apelit të gjkko-së që dha vendimin.

Tashmë duhet të presim afatin 45 ditor për të parë nëse SPAK do e ankimojë apo jo vendimin ndaj Tahirit i cili vetë, pret vetëm zbardhjen e vendimit për t’iu drejtuar me rekurs Gjykatës së Lartë.

SPAK kishte kërkuar dënimin e Tahirit me 12 vite burg, që në sajë të gjykimit të shkurtuar do ti zbriste në 8 vite