SpaceX ka shënuar sot një moment historik, duke përmbyllur me sukses fluturimin e 10-të provë të Starship, pas një sërë pengesash dhe anulimesh. Ky sukses përfaqëson një hap të madh për Elon Musk dhe projektet ambicioze të kompanisë së tij.

Starship, anija kozmike gjigante që pritet të përdoret për misionin Artemis III të NASA-s në Hënë dhe për udhëtime të ardhshme drejt Marsit, u nis nga baza Starbase në Teksas në orën 01:30 sipas kohës lokale.

Dy përpjekjet e mëparshme për lëshim, të planifikuara për të dielën dhe të hënën, kishin dështuar: e para për shkak të një rrjedhjeje oksigjeni të lëngshëm, dhe e dyta u anulua dy minuta para numërimit mbrapsht për shkak të moti të keq.

Pas 66 minutash fluturimi, Starship arriti të realizojë uljen e planifikuar në Oqeanin Indian. Pamjet e transmetuara nga një kamerë e vendosur në zonën e uljes tregojnë momentin mbresëlënës kur anija kozmike prek oqeanin me saktësi.

Ky sukses forcon besimin tek vizioni i Elon Musk për krijimin e një sistemi të qëndrueshëm dhe të ripërdorshëm lëshimi dhe shënon një pikë kthese në garën hapësinore.