Rap-artisti Stresi ka surprizuar ndjekësit me një vendim të papritur, duke njoftuar se do të shkëputet për një periudhë nga rrjetet sociale.

Artisti nuk ka dhënë detaje të tjera lidhur me arsyet e këtij vendimi, ndërsa ka bërë ndryshime të dukshme edhe në profilin e tij në Instagram.

Stresi ka fshirë fotografitë e publikuara më herët, si dhe personat që ndiqte në rrjetin social.

Para largimit, rap-artisti ka ndarë një mesazh falënderimi për fansat, kolegët dhe të gjithë ata që e kanë mbështetur gjatë karrierës së tij.

Në mesazhin e tij, Stresi ka theksuar se kjo pauzë nuk duhet parë si një lamtumirë, duke lënë të hapur rikthimin e tij në rrjetet sociale.