Avokati i njohur Kujtim Cakrani, mbrojtësi ligjor i ish-presidentit Ilir Meta, u dhunua mesditën e djeshme rreth orës 13:30 në ambientet e një karburanti në hyrje të qytetit të Vlorës.

Sipas gazetares Anila Hoxha, autori i sulmit është identifikuar si Skerdilajd Xhindi, i cili dyshohet se e ka goditur avokatin me dorezë hekuri. Në dëshminë e tij, Cakrani ka deklaruar se u sulmua nga dy persona të panjohur, në momentin kur po furnizonte automjetin me karburant.

Policia ka nisur hetimet për zbardhjen e plotë të rrethanave dhe për kapjen e personave të përfshirë në ngjarje.