Ish-kryeministri Sali Berisha e ka quajtur një akt të mirëfilltë politik sulmin ndaj “Prestige Resort”.

Berisha u shpreh se Rama kërkonte që mediat e “Hysenbelliu Group”, që përfshijnë Gazetën Panorama, News24, Balkanweb dhe Gazeta Shqiptare, të bënin “siç ka dëshirën ky ose të shkatërroheshin”.

Ai theksoi se këto sulme politike tregojnë që kemi të bëjmë me një “shtet kopukësh, cubash, njerëzish që nuk njohin asnjë ligj”.

“Ju i keni parë qëndrimet e mia ndaj asaj media dhe qëndrimet ndaj meje, por kjo nuk do të thotë kurrë që unë do të pranojë veprime politike. Ai është një akt i mirëfilltë politik. Ai do që ajo media ose të bëjë siç e kishte dëshirën ky ose të shkatërrohej. Ai kishte skicat. Unë nuk marr përsipër asnjë problem aty. Po si u kujtove ti tani? Pse ky filloi të sulmojë? Është e ditur, se ju punoni në media private, po cili pronar nuk e përdor sot mediat për të mbrojtur veten e tij? Që të gjithë. Por jo vetëm këtu, kudo, edhe në Europë e në Botë.