Në Shtëpinë e Bardhë po zhvillohet një samiti trepalësh mes SHBA-së, Bashkimit Evropian dhe Ukrainës, me fokus të veçantë te lufta në Ukrainë dhe hapat drejt një marrëveshjeje sigurie.

Presidenti ukrainas Volodymyr Zelenskyy, në fjalën e tij, theksoi rëndësinë e bisedimeve:

“Jemi shumë të lumtur me presidentin, të gjithë udhëheqësit evropianë janë këtu. Do flasim për garancitë e sigurisë, SHBA do japin sinjale të forta.”

Ai nënvizoi gjithashtu aspektin humanitar të negociatave:

“Është e rëndësishme të lirojmë të burgosurit, të ndihmojmë fëmijët. Kjo është shumë e rëndësishme.”

Zelensky bëri të ditur se gjatë diskutimeve me presidentin Donald Trump është folur për hapat konkretë në këtë drejtim, ndërsa shtoi se:

“Do flasim me liderët, presidenti Trump do përpiqet për një takim trepalësh me Putinin. E rëndësishme janë garancitë e sigurisë.”

Ky samit vjen pak orë pasi Trump deklaroi se Putin ka pranuar në parim garanci sigurie për Ukrainën, por se në tryezë mund të vendoset edhe çështja e shkëmbimeve territoriale, një temë që mbetet shumë e ndjeshme për Kievin.