Talat Xhaferi, pas votimit në Kuvendin e Maqedonisë së Veriut një ditë më parë, ka zënë detyrën e kryeministrit sot. Në një konferencë për media me paradhësin e tij, Kovacevski, Xhaferi theksoi se Kushtetuta dhe ligjet do të jenë baza e çdo vendimi që do të merret në qeveri.
Në deklaratën e tij, Xhaferi bëri të ditur se qeveria e re do të kishte si prioritet organizimin e zgjedhjeve të rregullta parlamentare dhe presidenciale, duke zbatuar të gjitha parakushtet ligjore për sigurimin e zgjedhjeve të lira dhe të ndershme. Gjithashtu, ai vuri në dukje se aleancat me SHBA, BE dhe NATO mbeten një prioritet për qeverinë e Maqedonisë së Veriut.
“Me premtimin se sëpaku një hereë në muaj do shihemi rregullisht. Sapo përfunduam takimin kokë më kokë, me Kovacevskin, u pajtuam për cështjen primare që do jetë në fokus të qeverisë. Shpreh kënaqësinë për detyrën që mora përsipër. Duke qenë se jemi në koalicion qeveritar, natyrisht edhe qeveria që do udhëheq detyrohet të zbatojë politikat në këtë program. Detyra primare është organizimi I zgjedhjeve të rregullta parlamentare dhe presidenciale. Do të zbatojmë të gjithë parakushtet ligjore për zbatimin e vullnetit të qartë të qytetarëve, për zgjedhje të lira dhe të ndershme. Aleanca me SHBA, BE dhe NATO, mbetet prioritet i qeverisë së RMV, lëkundja mund të shfrytëzohet nga fuqi të treta. Ruajtja e kësaj aleance nuk ka alternativë tjetër. Integrimi si udhërrëfyes në platformën qeveritare, janë lart në axhendën e qeverisë. Pa marrë parasysh se sa do zgjasë kjo qeverisë, nuk do të mungojë funksionimi institucional në shërbim të qytetarëve. Mund të jemi të ndryshëm në këtë qeveri, por jemi aty falë legjitimitetit tuaj”, tha Xhaferi.
