Në vitin 2023, Shqipëria ka importuar produkte farmaceutike në vlerë prej 26.8 miliardë lekë (255.7 milionë euro), por vetëm 44% e kësaj shumë është mbuluar nga fondi i rimbursimit qeveritar. Ky fakt ka sjellë një barrë financiare të rëndë për qytetarët shqiptarë, të cilët ndihen të detyruar të blejnë barnat nga xhepi i tyre për shkak të mungesës së mbulimit të plotë nga shteti.

Edhe pse shërbimet shëndetësore ofrohen falas, shqiptarët përballojnë shpenzime të larta për barnat, veçanërisht ato të cilat nuk janë përfshirë në listat e rimbursimit. Statistikat tregojnë se, krahasuar me rajonin dhe vendet e tjera të Evropës, shqiptarët përballen me shpenzime më të larta për barnat, ndonëse kanë një nivel të ulët të konsumit për frymë.

Importet e produkteve farmaceutike kanë shënuar një rritje të shpejtë, veçanërisht pas pandemisë COVID-19, por fondet për rimbursimin e medikamenteve nuk kanë ndjekur të njëjtën dinamikë. Kjo ka sjellë një situatë ku qytetarët shqiptarë janë detyruar të zgjedhin alternativa të lira, shpesh duke përdorur produkte nga tregu turk.

Analizat tregojnë se pjesa më e madhe e konsumit të barnave në Shqipëri përqendrohet te trajtimet tradicionale gjenerike, duke lënë pjesën tjetër të tregut të përqendrohet në trajtimin spitalor të specializuar dhe në terapitë inovative.

Për shkak të financimeve të ulëta buxhetore, disa barna të reja dhe inovative ende nuk janë pjesë e tregut shqiptar. Ky mungesë mund të sjellë sfida për pacientët që duhet të përballen me sëmundje të rënda, pasi shpresa e rimbursimit është e ulët.