Të shtëna më armë janë regjistruar sot në Mamurras, ku për pasojë janë plagosur dy punonjës policie dhe një qytetar.

Mësohet se dy efektivët e policisë kanë marrë plagë në këmbë dhe ndodhen jashtë rrezikut për jetën. Po ashtu raportohet edhe për një qytetar qe ka mbetur i plagosur.

Të plagosur kanë mbetur efektivët Ilir Zeka dhe Flamur Lleja, ku njëri është plagosur me armë dhe tjetri me sende të forta. Ndërkohë, nuk ka ende të dhëna për personin tjetër të plagosur, që është dërguar në spital.

Policët aktualisht po marrin ndihëm mjekësore, ndërsa nuk dihen nëse kemi të bëjmë me një sulm ndaj tyre apo ngjarja ka qenë aksidentale, ndërkohë që nuk përjashtohet dhe një zënkë mes tyre.