Protesta e fermerëve që po zhvillohet këtë të diel në Greqi është shoqëruar me përplasje të forta me policinë, raportohet nga mediat lokale. Fermerët kanë thyer bllokadën e vendosur nga forcat e sigurisë duke përdorur traktoret dhe mjetet e tyre bujqësore, duke bllokuar rrugën kryesore Athinë-Selanik.

Si pasojë e tensioneve, policia ka përdorur gaz lotsjellës dhe materiale kimike për t’i shpërndarë protestuesit. Disa fermerë janë lënduar dhe janë dërguar drejt spitaleve për ndihmë mjekësore.

Fermerët shprehen se protestat do të vijojnë, duke kërkuar zgjidhje ndaj çmimeve të ulëta të shitjes së prodhimeve, rritjes së kostove të prodhimit dhe vonesave në pagesa.