Një tërmet me magnitudë 6,6 ballë të shkallës Rihter goditi ishujt Kuril, që i përkasin Rusisë, sipas Qendrës Kërkimore Gjermane për Gjeoshkencat (GFZ). Tërmeti ndodhi sot (27 Dhjetor) dhe kishte një thellësi fokale prej 145 kilometrash.

Kuriles janë një arkipelag ishujsh në Azinë verilindore, me një popullsi prej jo më shumë se 100 njerëz. Ato shtrihen për rreth 1200 kilometra nga ishulli Hokkaido në Japoni, deri në Gadishullin Kamchatka në Siberi dhe ndajnë Detin e Okhotsk nga Paqësori verior. Përbëhen nga 56 ishuj vullkanikë, me disa ishuj më të vegjël shkëmborë.

Për momentin, nuk raportohet për viktima, të lënduar apo dëme të tjera, edhe pse forca e lëkundjeve sizmike është cilësuar si e fuqishme dhe e rrezikshme nga ekspertët. Ishujt janë pjesë e një mosmarrëveshjeje territoriale midis Rusisë dhe Japonisë, e cila ka origjinën në fund të Luftës së Dytë Botërore, kur trupat sovjetike pushtuan zonën. Për shkak të kësaj mosmarrëveshjeje, dy vendet ende nuk kanë nënshkruar një traktat paqeje.