Një vajzë 17-vjeçare ka humbur jetën në Queensland, Australi, pasi u sulmua nga një peshkaqen në veri të Brisbane, pasditen e së hënës.

Sipas BBC, ekipet e shpëtimit mbërritën menjëherë në vendngjarje dhe i ofruan ndihmën e parë, por fatkeqësisht, e reja ndërroi jetë pak më vonë.

Raportohet se peshkaqeni e kishte kafshuar në dorë, ndërsa ajo ndodhej rreth 100 metra larg bregut.

Autoritetet australiane kanë nisur hetimet për të përcaktuar rrethanat e sulmit dhe për të paralajmëruar qytetarët për rrezikun e peshkaqenëve në këtë zonë.