Një tragjedi e rëndë ka ndodhur në orët e mëngjesit në ujërat e trazuara të Egjeut Lindor, ku një barkë plastike me 33 persona në bord u përmbys pranë bregut të një ishulli grek. Sipas rojes bregdetare greke, nga ky aksident tragjik, bilanci aktual është 3 të vdekur, 5 të mbijetuar dhe 25 persona ende të zhdukur.

Nga raportimet, mes viktimave të mbytur janë edhe dy vajza të mitura, ndërsa 5 të mbijetuarit u shpëtuan falë ndërhyrjes së banorëve lokalë dhe peshkatarëve që ndodheshin pranë vendngjarjes. Fatkeqësisht, nuk u mund të bëhej gjë për të shpëtuar të tjerët.

Operacioni i kërkimit, i cili përfshin dhjetëra forca të rojes bregdetare, helikopterë dhe banorë lokalë me motoskafë, vazhdon ende. Por, me kalimin e orëve dhe përkeqësimin e kushteve atmosferike, shpresat për gjetjen e të zhdukurve gjallë po shuhen. Zona ku po zhvillohet operacioni është e njohur për terrenin e saj shkëmbor dhe rrymat e forta të detit, çka e bën edhe më të vështirë punën e ekipeve të shpëtimit.

Të shpëtuarit janë dërguar në spitalin e ishullit, ndërsa trupat e viktimave janë transportuar në morg.