Kryeministri Edi Rama iu është bashkuar mesazheve ngushëlluese për ngjarjen e rëndë që ndodhi mbrëmë në spitalin modular të Covid-it në Tetove, ku deri më tani flitet për 10 viktima.
Me anë të një postimi në rrjetet sociale kreu i qeverisë shqiptare ka shprehur ngushëllimet për të gjitha familjet e viktimave në Tetovë.
“MIRËMËNGJES dhe duke u bashkuar me të gjithë ju në ngushëllimet më të ndjera për familjet e viktimave të tragjedisë së mbrëmshme në spitalin Covid të Tetovës, si edhe në përqafimin vëllazëror për krejt komunitetin tetovar dhe mbarë popullin e Maqedonisë së Veriut, ju uroj një ditë të qetë juve e gjithë familjeve tuaja”, shkruan Rama.
