Tre shqiptarë janë dënuar në Angli pasi janë kapur në një “shtëpi bari”, një ndërtesë e përshtatur për prodhimin e lëndëve narkotike të llojit kannabis. Sipas raporteve të mediave vendase, zbulesa e kësaj ndërtesë është bërë e mundur përmes përdorimit të drone-ve nga policia.

Autoritetet kanë mbërritur në vendngjarje për të arrestuar autorët, të cilët kanë tentuar të arratisen duke përdorur shkallë për të hipur në çati. Megjithatë, ata janë pikasur nga dronët dhe nuk kanë mundur t’i shpëtojnë prangave.

Të arrestuarit janë Ronaldo Pasha, 24 vjeç, Elvis Shira, 33 vjeç dhe Bledar Zeqo, 40 vjeç, të cilët kanë deklaruar se ishin të detyruar të punonin në këtë aktivitet të paligjshëm për shkak të borxheve që kishin ndaj personave që i kishin ndihmuar të hynin në rrugë ilegale në Angli. Ata nuk kanë precedentë të mëparshëm penalë dhe janë dënuar me 45 muaj burg nga gjykata angleze.

Policia ka sekuestruar më shumë se 5000 bimë kannabisi të kultivuara në dhoma të veçanta, me një vlerë totale që arrin deri në 2.8 milionë paund.