Një aksident i rëndë hekurudhor është regjistruar mbrëmjen e së dielës në Baden-Württemberg të Gjermanisë, ku një tren pasagjerësh doli nga shinat duke shkaktuar viktima dhe disa të plagosur.

Sipas Agjencisë Gjermane të Shtypit (DPA), ngjarja ndodhi rreth orës 18:10 pranë Zwiefaltendorf, në rrethin Biberach. Dy vagonë të një treni ekspres rajonal të Deutsche Bahn doli nga shinat, ndërsa në bord ndodheshin rreth 100 pasagjerë.

“Të paktën tre persona janë plagosur, por ende nuk dihet gjendja e tyre shëndetësore,” bëri të ditur një zëdhënës i Policisë Federale në Stuttgart.

Pamjet nga vendi i aksidentit tregojnë vagonë të përmbysur, zjarrfikës dhe ekipe shpëtimi duke punuar për të nxjerrë pasagjerët e bllokuar. Britmat e njerëzve janë dëgjuar ndërsa ndihma vijon.

Autoritetet gjermane e kanë trajtuar fillimisht rastin si një “incident me viktima masive”, duke angazhuar ekipe emergjence nga qytete të ndryshme.

Shkaku i aksidentit nuk është përcaktuar ende. Hetimet po shqyrtojnë nëse stuhitë apo pengesa në shina, si rënia e pemëve, mund të kenë shkaktuar daljen e trenit nga shinat.

Ndërhyrja në vendngjarje vijon, ndërsa autoritetet pritet të publikojnë një raport të detajuar mbi bilancin dhe shkaqet e aksidentit.