Një gjendje shoku mbizotëron në komunitetin lokal të Pirgos, pasi një vajzë 11-vjeçare, për të cilën ishte lëshuar një Amber Alert, është gjetur e pajetë në një fushë në zonën e Kataraçit, Ilia.

Vajza ishte zhdukur prej një dite dhe kishte plagë nga një kaçavidë. Policia ka arrestuar dajën e saj 37-vjeçar, i cili ka pranuar vrasjen, duke mos treguar motivin.

Ai ishte akuzuar më parë për përdhunim në vitin 2017. Autopsia do të përcaktojë nëse ka pasur abuzim seksual.

Ngjarja ka nisur kur vajza doli nga shtëpia për të shkuar te gjyshi, por u kap nga kamera duke hipur me dëshirë në makinën e dajës. Më pas, ai e çoi në një zonë rurale dhe tentoi ta përdhunonte.

Kur vajza rezistoi dhe kërcënoi se do të tregonte prindërve, ai e goditi për vdekje. Autori, i cili ishte në liri me kusht për një akuzë të mëparshme përdhunimi, është tani në paraburgim.