Të kesh një aromë të këndshme gjatë ditës është më shumë sesa një zakon estetik – është një element që ndikon drejtpërdrejt në vetëvlerësimin dhe vetëbesimin tonë. Megjithatë, siç ndodh shpesh, aroma e parfumit zbehet me kalimin e orëve, duke na detyruar të riaplikojmë apo të ndjejmë siklet.

Një truk i thjeshtë dhe efektiv, i cili është bërë viral në TikTok, ofron një zgjidhje të zgjuar për këtë problem. Përdoruesja që e publikoi videon ndan hap pas hapi mënyrën se si të përgatisni një bazë të personalizuar që mban aromën gjatë gjithë ditës:

Si të veproni:
1. Merrni një kuti të vogël me vazelinë.
2. Shkrijeni vazelinën duke e vendosur në një enë me ujë të vluar.
3. Spërkateni me parfumin tuaj të preferuar sa është ende e lëngshme.
4. Vendoseni kutinë në frigorifer për ta ngrirë përzierjen.

Përdorimi:

Aplikoni këtë balsam aromatik në zonat kyçe të trupit, si qafa dhe kyçet e dorës, përpara se të dilni nga shtëpia. Për shkak të përbërjes së saj yndyrore, vazelina ndihmon në kapjen dhe ruajtjen e aromës, duke bërë që parfumi të zgjasë shumë më gjatë se zakonisht.

Një truk i thjeshtë, i lirë dhe shumë efektiv që mund të transformojë mënyrën se si ndjeni dhe përjetoni aromën tuaj të preferuar gjatë gjithë ditës.