Presidenti i SHBA-së, Donald Trump, ka komentuar zhvillimet në Vatikan pas daljes së tymit të bardhë nga oxhaku i Kapelës Sistine, që simbolizonte zgjedhjen e Papës së ri. Gjatë një takimi me gazetarët në “Shtëpinë e Bardhë”, Trump tha se pa tymin, por ende nuk kishte parë Papën. “Pashë tymin, por nuk e kam parë Papën”, deklaroi ai në Dhomën Lindore të Shtëpisë së Bardhë.

Përveç këtij komenti, Trump ka shkaktuar një valë kritikasht mes katolikëve pasi postoi një foto të krijuar nga inteligjenca artificiale në të cilën ai shfaqet si Papë. Imazhi, i ndarë nga llogaritë zyrtare të Shtëpisë së Bardhë në mediat sociale, ka shkaktuar indinjatë në mesin e besimtarëve katolikë, pasi u shpërnda ndërkohë që ata po vajtonin vdekjen e Papa Françeskut, që ndërroi jetë më 21 prill, dhe prisnin zgjedhjen e Papës të ardhshëm.