Ish-presidenti amerikan Donald Trump ka shfrytëzuar sezonin festiv për të përcjellë urimet e Krishtlindjes, por në stilin e tij të njohur, nuk kanë munguar sulmet ndaj kundërshtarëve politikë. Në një postim në rrjetin social Truth Social, Trump shkroi: “Gëzuar Krishtlindjet të gjithëve, përfshirë fundërrinat e së majtës radikale që po bëjnë gjithçka që munden për të shkatërruar vendin tonë, por po dështojnë keqas”.

Ish-presidenti akuzon demokratët për krizën ekonomike, tensionet sociale dhe çështje ndërkombëtare, duke fokusuar kritikën kryesisht te presidenti Joe Biden. Me termin “e majta radikale”, Trump përfshin jo vetëm demokratët progresistë, por edhe ata të moderuar, duke ruajtur stilin e tij të drejtpërdrejtë dhe të ashpër.

Aktualisht, ish-presidenti po kalon pushimet e Krishtlindjeve në rezidencën e tij në Mar-a-Lago, Florida.