Moderatorja e njohur, Arbana Osmani, ka ndarë një pjesë të jetës së saj duke përgjigjur pyetjeve të ndjekësve në Instagram.

Një ndër pyetjet ishte: “Si përballohet humbja e mamit në moshë të re?”

Arbana ka ndarë përvojën e saj duke treguar se kur ishte e vogël, nëna e saj vuante nga kanceri dhe ishte në rrezik për jetën. Ajo ka ndarë se për shumë vite ka jetuar me frikën se sëmundja mund t’i rikthehej. Moderatorja ka shpërndarë këshilla për ndjekësen dhe ka shprehur ngushëllime për humbjen e saj.

Teksa ka publikuar fotografinë e nënës se saj, Arbana ka shkruar:

“Nuk e di, besoj nuk ka diference mosha, një humbje e tille është gjithmonë e dhimbshme kurdo qe vjen. Nëna ime ka qene ne rrezik për jetën kur ne kemi qenë shumë te vegjël dhe për shumë vite me radhe unë kam jetuar me friken se kanceri mund te rishfaqej një dite dhe mund ta humbisja papritur. E të betohem vetëm mendimi me lëndonte aq shumë”.

Moderatorja e ka këshilluar gjithashtu ndjekësen e saj të dëgjojë podcast-e dhe video që mund ta ndihmojnë për të kaluar dhimbjen dhe njëkohësisht i ka shprehur dhimbjen për humbjen e madhe, duke shkruar: “Më vjen shumë keq”.