Një spektakël i jashtëzakonshëm bukurie dhe elegancë u zhvillua mbrëmjen e kaluar në Amfiteatrin e Tiranës, ku 25 vajza nga të gjitha trevat shqiptare konkurruan për titullin e “Miss Shqipëria 2025”. Atmosfera ishte e mbushur me emocione, duartrokitje dhe befasi, ndërsa kurora e më të bukurës iu dorëzua Valentina Gegpriftit, e cila konkurronte me numrin 18.
Valentina u dallua për prezencën e saj skenike, bukurinë natyrale dhe buzëqeshjen magjike, duke fituar admirimin dhe vlerësimin maksimal të jurisë dhe publikut.
Në këtë mbrëmje të paharrueshme u shpallën edhe titujt e tjerë prestigjiozë:
• Shoqëruesja e Parë: Klea Thaçi (nr. 17)
• Shoqëruesja e Dytë: Laura Peka (nr. 11)
• Miss Earth: Kleja Sulejmani (nr. 3)
• Miss Supernational: Natalia Lalaj (nr. 1)
• Miss International – Albania 2025: Gledia Preja (nr. 25)
• Trupi më i Bukur: Juna Latifi (nr. 4)
• Miss Buzëqeshja: Elsina Canaku (nr. 5)
• Miss Elite (përfaqësuese në arenën ndërkombëtare): Dea Hila (nr. 20)
• Miss Miqësia (e votuar nga finalistet): Xholin Xhabeu (nr. 12)
• Miss Elegance: Bleona Beqiraj (nr. 8)
• Miss Fotozhenia: Eloisa Llupo (nr. 2)
• Miss Social Media: Dajana Elmasllari (nr. 23)
• Çmimi i Publikut (votuar online): Kleja Sulejmani (nr. 3) me 22.6% të votave.
Mbrëmja e “Miss Shqipëria 2025” riktheu magjinë e bukurisë shqiptare dhe nxori në pah jo vetëm fytyrat, por edhe personalitetet e vajzave që do të përfaqësojnë vendin në skenat më prestigjioze të bukurisë botërore.
