Kreu i PBDNJ, Vangjel Dule, ka deklaruar sot se partia e tij ka ankimuar dekretin e Presidentit Bajram Begaj për caktimin e datës 4 gusht për zhvillimin e zgjedhjeve në Bashkinë Himarë. Dule theksoi se ligji nuk mund të interpretohet sipas dëshirave.

Dule gjithashtu njoftoi se ankimimi ndaj vendimit të KQZ-së për shpalljen e pavlefshmërisë së mandatit të Fredi Belerit do të bëhet kur mbrojtja ta konsiderojë të përshtatshme.

“Ne kemi ankimuar dekretin e Presidentit. Mbrojtja e Belerit do të vlerësojë momentin më të përshtatshëm që u garanton ligji. Askush nuk mund ta interpretojë ligjin në bazë të dëshirave apo premisave subjektive. Ligji është ligj. Ankimi do të bëhet në kohën që mbrojtja e konsideron të përshtatshme dhe brenda afateve ligjore,” tha Dule.