Gjykata e Vlorës ka dhënë vendime për 5 nga 32 personat e arrestuar në kuadër të operacionit ‘Tempulli’. Ndër ta, për 3 prej tyre, gjyqtarja Vjola Canaj ka vendosur të ndryshojë masën e sigurisë, duke caktuar arrest në shtëpi, ndërsa për 2 të tjerë, është lejuar që masa e sigurisë të mbetet arrest me burg.

Personat për të cilët është vendosur arrest me burg janë Jurgen Mustaj dhe Edmond Mustaj, ndërsa për Detan Meçaj, Eduard Musai dhe Ervi Rrapaj është vendosur masa e sigurisë “arrest në shtëpi”.

Seancat gjyqësore kanë përfshirë caktimin e masës së sigurisë për personat e arrestuar në kuadër të operacionit ‘Tempulli’, dhe këto vendime janë marrë gjatë seancave të zhvilluara ditën e sotme. Për personat e tjerë të arrestuar, pritet që masat e sigurisë të caktohen në seancat e ardhshme, të cilat do të mbahen përgjatë ditëve të enjtes dhe të premtes.