Prej javësh është përfolur në mediat rozë se martesa e këngëtarëve Big Basta dhe Vesa Luma mund të jetë në krizë, sidomos pas hyrjes së reperit në reality show-n “Ferma VIP”. Por së fundmi, vetë Vesa ka reaguar duke hedhur poshtë çdo aludim.
Në një postim të ndjerë në rrjetet sociale, ajo u shpreh krenare për bashkëshortin e saj, pasi ai u shpall fermeri më i votuar për të qëndruar në garë, duke shkruar thjesht: “Zemra mal” – një shprehje që flet shumë më tepër se një koment i zakonshëm.
Ky reagim shihet si një konfirmim publik i mbështetjes dhe dashurisë mes tyre, duke u kthyer në një përgjigje të qartë për të gjithë ata që kanë ngritur dyshime për marrëdhënien e tyre.
Big Basta dhe Vesa Luma janë një nga çiftet më të dashur të showbiz-it shqiptar, dhe nga martesa e tyre kanë sjellë në jetë një djalë, i cili është shpesh pjesë e postimeve të tyre plot dashuri dhe familjaritet.
