Tre muaj pas ngjarjes së rëndë në Tiranë, ku motrat Antonela dhe Mariela Berisha dhunuan Kle Prengën me shishe qelqi, duke i shkaktuar dëme të rënda në fytyrë, dy autorët janë dorëzuar sot në polici. Pas dorëzimit, policia konfirmoi ekzekutimin e vendimeve të marra nga gjykata për të dyja motrat.

Mariela Prenga u vu në pranga, pasi ndaj saj ishte caktuar masa “arrest në burg” në mungesë, ndërsa motra e saj, Antonela, ish-banore e Big Brother VIP, është nën masën e “detyrimit për t’u paraqitur” në polici.

Njoftimi i policisë sqaron se, në vijim të ngjarjes që ndodhi më 9 gusht 2024, ku motrat goditën Kle Prengën në një lokal në Kodra e Diellit, ato janë vetëdorëzuar sot rreth orës 19:00 në Drejtorinë Vendore të Policisë Tiranë. Pas verifikimeve dhe procedurave, u bë ekzekutimi i vendimeve penale të Prokurorisë pranë Gjykatës së Shkallës së Parë të Juridiksionit të Përgjithshëm Tiranë.

Materialet e çështjes janë kaluar për procedim të mëtejshëm në Prokurori.