Në orët e vona të mbrëmjes së kaluar, një aksident fatal ka ndodhur në autostradën “Ibrahim Rugova”, pranë Prizrenit. Garat me makina kanë sjellë tragjedinë duke marrë jetën e tre të rinjve nga Gjakova.

Një nga veturat përfshiu disa persona që po qëndronin pranë autostradës dhe ndiqnin garën në momentin kritik. Të tre viktimat, përfshirë dhe drejtuesin e veturës, janë raportuar të jenë nga Gjakova. Njëri nga të vdekurit është identifikuar si Lordi Syla, ndërsa dy të tjerët janë Molos Delija dhe Nue Bibaj, të tre rreth moshës 20-vjeçare.

Pamje nga momenti i aksidentit, të cilat janë xhiruar nga një prej personave që po e përcjellin nga afër garën dhe kanë kapur momentin e tmerrshëm që për tre të tjerë ishte fatal.