Një situatë e papranueshme po ndodh në Postën Shqiptare të qarkut Lezhë, ku qytetarët detyrohen të presin në radhë të gjata për shkak të mosfunksionimit të monitorëve të numrave të shërbimit. Kjo ka sjellë kaos dhe vonesa të mëdha, duke prekur veçanërisht të moshuarit dhe ata që nuk kanë mundësi të presin gjatë.

Një qytetar ka denoncuar këtë problem duke deklaruar:

“Dua të denoncoj një situatë problematike që po ndodh në Postën Shqiptare të qarkut Lezhë. Qytetarët janë të detyruar të presin në radhë të gjata, pasi monitorët për biletat e shërbimit nuk funksionojnë. Shpesh ka kaos dhe vonesa, dhe askush nuk po merr masa për ta përmirësuar këtë situatë. Kjo po shkakton shqetësim të madh, veçanërisht për të moshuarit dhe ata që nuk kanë mundësi të presin gjatë. Ju lutem bëjeni këtë çështje publike për të nxitur zgjidhjen nga autoritetet përkatëse.”

Kërkojmë ndërhyrjen e menjëhershme të autoriteteve përkatëse për të garantuar një shërbim të rregullt dhe dinjitoz për qytetarët!