Aktori i njohur Arben Derhemi, një ndër emrat më të spikatur të artit shqiptar, së fundmi ka qenë në qendër të vëmendjes në shtypin rozë për ndarjen nga bashkëshortja e tij, gazetarja Iva Korumi. Përmes një interviste televizive, ai ka vendosur të thyejë heshtjen dhe të sqarojë zërat që kanë qarkulluar rreth jetës së tij private.

Gjatë intervistës, moderatorja e pyeti aktorin për lajmet që kanë përshkuar portale të ndryshme lidhur me këtë ndarje. Duke iu përgjigjur kësaj, Derhemi sqaroi:

Arben Derhemi: “Është e gjitha një gënjeshtër e madhe, sepse unë kam kohë që jam ndarë, kam gati 2 vjet e gjysmë. Ishte një proces që u vendos dhe e kemi mbajtur larg mediave dhe televizioneve. Për ne ndarja ishte një vendim i qartë dhe kaq.”

Me këtë reagim, Derhemi synoi të përçojë të vërtetën për jetën e tij personale, të cilën e ka mbajtur jashtë vëmendjes së publikut. Për më shumë detaje rreth intervistës, ndiqni videon e plotë.