Një shpërthim i fuqishëm ka tronditur qytetin e Lezhës në orët e para të mëngjesit të sotëm, rreth orës 03:00. Objekt i sulmit ka qenë një lokal në pronësi të shtetasit I.M., 47 vjeç, ku fatmirësisht nuk ka pasur të lënduar, por dëme të konsiderueshme materiale.
Sipas Policisë së Lezhës, lënda plasëse është vendosur para derës së lokalit, i cili në momentin e shpërthimit ka qenë i mbyllur. Aktualisht, grupi hetimor, nën drejtimin e Prokurorisë, po punon për të zbardhur rrethanat e ngjarjes, si dhe për identifikimin dhe kapjen e autorit/ve.
Ky incident ka shkaktuar panik tek banorët e zonës, ndërsa pritet të hetohen motivet që mund të kenë çuar në këtë akt kriminal.