Përplasjet mes deputetëve të Partisë Demokratike dhe mazhorancës kanë vazhduar edhe pas ndërprerjes së seancës së Komisionit Hetimor të Shëndetësisë. Një incident i rëndë ndodhi mes deputetit të PD-së, Xhelal Mziu, dhe deputetes së Partisë Socialiste, Milva Ikonomi. Siç shihet në video, Mziu e shtyu fizikisht Ikonomin me forcë, duke nxitur tensione të reja mes palëve.

Ajo që bie në sy është mungesa e reagimit nga disa shoqata, të cilat zakonisht reagojnë menjëherë ndaj çdo fyerjeje apo akti dhune ndaj grave. Në këtë rast, veprimi i dhunshëm i Mziut nuk ka ngjallur reagimet që priten nga organizatat e angazhuara në mbrojtjen e të drejtave të grave, duke ngritur pikëpyetje mbi qëndrimet e tyre për raste të tilla.

Ngjarja ka rritur më tej tensionet politike dhe morale në skenën politike shqiptare, ndërsa incidentet e dhunshme mbeten një problem serioz në diskursin parlamentar.