Në Gjirokastër, zjarri i shpërthyer mbrëmjen e kaluar në Labovë vazhdon të jetë aktiv. Pavarësisht përpjekjeve të zjarrëfikësve, flakët kanë vazhduar përgjatë gjithë natës dhe kanë arritur deri në mëngjesin e sotëm.

Gjatë natës, zjarrëfikësit kanë luftuar për të parandaluar përhapjen e zjarrit dhe për të mbrojtur fshatrat Labovë e Madhe dhe Labovë e Vogël. Në orën 04:00 të mëngjesit të së dielës, forcat zjarrëfikëse në Gjirokastër janë riorganizuar për të ndihmuar në mbajtjen nën kontroll dhe izolimin e zjarrit në pikat kyçe.

Operacioni është mbështetur nga 37 forca vullnetarë të Bashkisë, 6 punonjës me kontratë dhe 14 efektiva zjarrfikës. Një grup është angazhuar për të izoluar zjarri në drejtim të fshatit Labovë, ndërsa një tjetër grup po lufton në drejtim të malit. Aktualisht, forcat zjarrëfikëse kanë nën kontroll zjarrin, por përpjekjet për shuarjen e plotë të tij vazhdojnë.