Sot, Komisioni për Shëndetësi dhe Mirëqenie Sociale i Kosovës vizitoi Klinikën e Onkologjisë në QKUK Prishtinë. Kjo vizitë vjen menjëherë pas skandalit në Shqipëri, ku disa mjekë të Onkologjikut në QSUT u kapën në flagrancë për abuzim me detyrën. Prokuroria i akuzon për shpërdorim detyre, pasi abuzonin me medikamentet dhe procedurat për mjekimin e të sëmurëve me kancer.
Skandali në spitalin e Onkologjikut u zbulua nga Prokuroria e Tiranës pas denoncimit të një familjari. Më 25 qershor 2024, u vendosën 7 masa sigurie pas hetimeve që zbuluan një skandal të përmasave të mëdha në spitalin onkologjik në QSUT.
