Një 62 vjeçar është gjetur i vdekur në Vlorë, mëngjesin e sotëm.

Viktima është identifikuar si Nadir Gjata, bashkëpronar i një agjencie biletarie në zonën e njohur si “Kapelja” tek porti i Vlorës
Nga porti Gjata ka ikur rreth ores 03:00 – 04:00 e mëngjesit me makinë kur dhe është aksidentuar duke u përplasur me dy makina të parkuara.

Familjarët hedhin dyshime se ai është vrarë dhe mbështesin pretendimet e tyre tek fakti që Nadir Gjata “ka goditje në kokë dhe nuk iu gjet çanta që kishte me vete”
Ndërkohë burime nga ekspertiza mjeko ligjore bëjnë me dije se hematoma në kokë ka ardhur nga përplasja.

Policia ka nisur hetimet dhe për të verifikuar pretendimet e familjarëve, nëse kemi të bëjmë me një aksident të qëllimshëm pasi i mungonin mjetet personale dhe shuma monetare që kishte me vete.