Kryetari i Partisë Demokratike në Vlorë, Atird Hoxha, ka dhënë dorëheqjen nga posti i tij për të hyrë në garën e primareve si kandidaturë për deputet në zgjedhjet e pjesshme parlamentare të 11 majit.

Lajmi është konfirmuar nga burime brenda PD-së, të cilat bëjnë me dije se Hoxha synon të marrë mbështetjen e demokratëve në procesin e primareve, për të përfaqësuar partinë në garën për një mandat deputeti.

Dorëheqja e tij vjen në një moment të rëndësishëm për Partinë Demokratike, e cila po përgatitet për një sfidë të fortë elektorale në disa qarqe të vendit. Burime pranë Hoxhës bëjnë me dije se ai ka vendosur të fokusohet plotësisht në fushatën për primaret, duke synuar të jetë përfaqësuesi i demokratëve në Vlorë në Kuvendin e Shqipërisë.

Procesi i primareve në Partinë Demokratike pritet të zhvillohet në ditët në vijim, ku anëtarësia do të vendosë se kush do të jetë kandidati që do të përfaqësojë partinë në zgjedhjet e 11 majit.