Një ngjarje e rëndë ka ndodhur sot në Vlorë, ku 63-vjeçari Ismail Aliaj humbi jetën pas një sherri. Sipas njoftimit zyrtar të Policisë, Aliaj është goditur me grushte në zonën e quajtur “Rruga e Çipave”. Pas dhunës, 63-vjeçari humbi ndjenjat dhe u transportua në Spitalin Rajonal Vlorë, ku më pas ndërroi jetë.

Policia bën me dije se dy autorët e dyshuar janë identifikuar dhe po punohet intensivisht për kapjen e tyre. Grupi hetimor ndodhet ende në vendngjarje për të sqaruar të gjitha rrethanat e ngjarjes.