Në një takim të zhvilluar në asamblenë e Partisë Socialiste në Njësinë 3, Kryeministri Edi Rama foli për rrugën e Shqipërisë drejt integrimit europian dhe sfidat politike brenda vendit.

“Ne kemi fituar respekt dhe besim, ne duhet të shfrytëzojmë këtë kohë që kemi tani, sa kohë ata e kanë derën hapur. Në momentin që Shqipëria bëhet anëtar i BE, ti je vendas dhe vendi është i gjithë Europë,” tha Rama.

Ai nuk la pa kritikuar opozitën, duke ironizuar se “mund të jenë duke fjetur gjumë” ndërsa Partia Socialiste vijon me organizimet dhe takimet. Rama shtoi gjithashtu se Shqipëria ka një mundësi historike për të krijuar një siguri demokratike dhe për të nisur rritjen sistematike të pensioneve.