Një ngjarje e rëndë ka tronditur mbrëmjen e sotme qytetin e Vlorës, ku futbollisti i Flamurtarit, Sodiq Atanda, është sulmuar me një mjet prerës në rrethana ende të paqarta.

31-vjeçari, me shtetësi të huaj, është dërguar me urgjencë në Spitalin Rajonal të Vlorës dhe ndodhet nën kujdesin e mjekëve.

Dyshohet grabitje në rrugë!
Burime pranë policisë bëjnë me dije se sulmi mund të ketë ndodhur gjatë një tentative grabitjeje, por hetimet janë ende në vijim për të zbardhur plotësisht rrethanat.

Gjendja shëndetësore e Atandës mbetet e paqartë, ndërsa priten informacione të mëtejshme nga spitali dhe autoritetet.

Policia po punon për identifikimin dhe kapjen e autorëve.